Islam is the religion of truth

alsalam 3likom

This video is one of the evidences that proof that Islam is the religion of truth

download the video from this link

for more evidences you can visit this site to strengthen your faith

http://www.55a.net

salam 3likom

Crazy head Shaving!!

i dun wanna say more !!

واخيرا ظهرت النتيجة

السلام عليكم

النهارده كان يوم جميل جداا بصرااحه صحيت فيه متاخر كالعاده برضه

لكن الحمد لله انى صحيت..صحيت الساعه 8:30 ونزلت بسرعه جدااا

عشان الحق حاجتين المحاضره وف نفس الوقت خزنه علوم

المهم رحت دفعت الفلووس وطلعت المحاضره وبعد ما المحاضره خلصث

المهم اخدت اللاب من الواد فالكون وقعدت بقه هجيب النتيجه اخيراا

شويه ولقيته جه واستولى ع اللاب واصر انه هو الى يجيبهاالى

المهم اديته الاى دى والباسوورد ودخل جابهالى

وظهرت لى الصوره ديه

هييييييييييييييه الحمد لله نجحت ودرجاتى كلها الحمد لله حلوه

مع انى كنت حاطت لنفسى امتياز للمادتين بتوع الالجوريزمس والسوفت وير

لانى حليت فيهم كويس جداا وكانوا احلى مادتين لياا هما والشبكاات

لكن قلشت على كام درجه بينى وبين الامتياز

بالنسبه بقه للشبكاات ف بجد انا كنت متوقع لنفسى اكتر من كده بكتيير فيهاا

بجد الماده الوحيده الى خرجت عن توقعاااتى خااالص واكددتلى حاجات كتير

بس هنقول ايه كل واحد وضميره

لكن بالنسبه للبرولوج فا انا طاالع وحاطت ف دماغى ان هجيب مقبول

ما صدقت ان الامتحان خلص على خير اصلا

والاسمبلى كلنا عارفينه بقى

يالا الحمد لله على كل شىء وعقباال الترم ده والترمين الجاايين ويعدوا على خير يااارب

علي وعلى الجميع

سلام عليكم

فلاشتى رجععععععت

سلام عليكم

بصراااحه انا النهارده فرحاان جدااا

لان الحمد لله فلاشتى رجعتلى بسلامه بعد تعب اعصااب

الموضوع وما فيه

ان يوم السب الى فاات كان ميعاد تسليم برناامج ال  file counter

للبشمهندس حندوسه المهم انا كالعاده خدت حجاتى على الفلااشه على اساس تبقى معايا واعرف

اوريله البرناامج ودايما بتبقى كل حاجه معايا ف الشنطه بتاعتى لدرجه ان اخوياا مسميها شنطة على بابا

المهم حطيت الفلااشه بعد ما سطبت اليبونتو ونزلت الاسكربتات الى كنت عملها ع الجهاز ووريت البشمهندس حندوسه البرناامج الحمد لله وخدت درجته

ولما رجعت البيت اتصدمت الفلاشه بحطها ف الجهاز مش بتنطق

وقااعد بقى اعصاابى بااظت واتخنقت شويه وافتكرت انها لسه ف الضمان

طيب ادور على الضماان لقيت العلبه بتاعته بس ملقتش الفاتوره قلت مش مهم ورحت للرااجل

المهم الرااجل لقيته بيقولى هاات الفاتوره واجيبلك واحده جديده دلوقتى

انا سمعته بيقول كده اتخنقت المهم عرفت الراجل ان الفاتوره ضاعت منى

المهم راح قالى خلااص سيبهالى وتعالا بعد اسبوع شوفهااا المهم قلتله ماشى

روحت النهارده بقه اشوف الفلااشه الرااجل ف الاول وترنى بس طلع كان بيهزر معايا

وانا من النوع الى بتوتر بسرعه المهم ادانى فلااشه تانيه نفس النوع بالظبط

الحمد لله انها رجعت بالسلاامه

عقباال النتيجه بقى ما اعرفهاا كاملة مكملة

كله دلوقتى مستغرب النتيجه !!!

النتيجه ظاهرها بقالها يومين يا عم

اقوله ايوه سبحان الله انا النتيجه ديه ليها معايا موااقف

وداايما اجيبهاا بعد ما تظهر بكتير

وسبب عدم معرفتى بيها المره دى انى نسيت ادفع مصاريف الكليه

طبعا مضطر استنى لبكره لان النهارده كان اجازة الموظفين ويوم الخميس معرفتش اجى الكليه

لانى كنت مساافر هو حظ والدكتور طااهر جى اسئله النهارده قالى مبروك ومرضااش يدينى التقديراات

ربناا يطمنى بقى زى ما طمنكواا

وربنا يكرم الجميع

سلام عليكم

هندسة البرمجيات : الف تعيش تااكل قراقيش

السلام عليكم ورحمة الله وبركاته

امباارح والنهاارده يومين غراااب جدااا ومش عااارف الاحساس الى انا عاايش فيه دلوقتى هل هو كويس ولاا لاا بس انا فعلاا مش قاادر اوصفه بعكس يوم الشبكات تماما

امباارح ليله امتحان السوفت وير قلت امسك الماده الى الوااحد تعب ف مشروعهاا ديه من اولها كده واحااول اخلصهاا على خير ان شااء الله المهم مسكتهاا شبتر شبتر وبقت بكتب الاسئله الى ممكن تيجى ف الكشكوول بتااعى وبعد كده رحت رااجعت على الشيت وبعد كده راجعت على امتحان السنه الى فاتت

كل ده تقريبااا مخدش منى وقت قد الوقت الى انا واخواتى التلاته قعدنا نهيس فيه اول مره اقعد اهزر مع اخواااتى فتره كبيييييييره اوى كده من الساعه 10 لحد قرب الفجر ما شااء الله قمه التهييس ولا كانى وراايااا امتحان بكره ولا حطين ف دماغنا النااس الى ناايمه ف البيت معانا ههههههههه المهم صليت بقى الفجر ونمت

المهم قمت م النوم الساعه 12:30 دمااغى عاليه اوى عاليه جدااا من كتر التهييس الى هيسته انا واخواتى المهم دخلت ظبطت نفسى ونزلت بقى ومااسك الكشكول الى انا كاتب فيه الاسئله وقااعد اذاكر ذى ايام الثانوى وانا ماشى ف الشاارع

رحت الامتحان فضلت مااسك الكشكول لحد ما ورق الامتحان بدا يتوزع

هه بدأ الامتحان

بسم الله الرحمن الرحيم

نبدا نركز بقه

مسكت الامتحان كنت بنتقم مكنتش بحل

الاسئله الى كنت عاارفها كنت بحلهاا  بعد ما اعد افتكر هى كانت ايه

والاسئله الى مكنتش عارفهااا كنت بحط خط تحت كلمه عاارفهااا ف السؤاال

واروح كاااتب كل حاااجه عنها برسوماتها بباعنوجهااا بكله

جيت للسؤال التالت الفقره الاولى وانا مفضليش لسه غير 3 صفح وش وضهر والسؤال اصلاا طوييل

رحت مقسم الصفحه اربع تربع ورحت حليت على ان كل ربع صفحه

والموضوع عدى جيت بقه ف السؤاال الاخير خدت نفس عميييق وحليته

ومسبتش سطر فاااضى ف الورقه

وديه تعتبر ظااهره غريبه جداااا عليااا

لا والظااهره الاغرب انى طاالع قبل الوقت ما يخلص ب 10 دقاايق تقريبااا

مش عاارف ايه الى حصلى 

وطبعااا حل الامتحان ده له كان تحت الشغاار المقدس

الف تعيش تاااكل قراقيش

والحمد لله طلعت الامتحان وانا مهيس تهيييس فظيع افتكرت امتحان الجبر الخطى السنه الى فاتت كنت تقريبااا بنفس الشكل كده

جيت بقى هنا لقيت خبر فرحنى جدااااااااااااا جداااااااااااا

عمر حبيبى قبل اكاديميه عسكريه .. الى هى معهد الضباااط المتخصصين

والخبر ده موجود هنااا

http://forum.mansfci.net/viewtopic.php?f=190&t=11015&p=82663#p82663

وانا بجد فرحت جداااااااااا واتفاااائلت جدااااا لان هو ده هدفى الى انا بسعااله

من سااعه ما دخلت الكليه ديه

ده بجد حلمى الى نفسى ربنا يحققهوولى

نفسى اقبل ف الاكاديميه العسكريه بعد ما خلص يااااااااااه

الحمد لله بعد ما سمعت اخبر ده اتفااائلت جدااااااااا

التهييس زاااد اكتر وبقت قاااعد اهزر مع كل الى فى البيت

لدرجه انهم قاالو

الواد ده اجنن ولا ايه

وانا حااسس ان انا فعلااا اتجننت ربنا يستر )

كان جوايا كلاام كتير اوى الحمد لله انى طلعته

ويااارب يعدى علينا بقيت الامتحانات على خير يااارب

امين

سلام عليكم

يوم غريب وتدبيسه تمام !!

السلام عليكم ورحمة الله وبركاته

النهارده يوم غريب اوى بجد

الى هو يوم التلات يعنى مش الاربع )

يوم بااادىء بتعب طوول الليل ف تجهيز الى مطلووب مننا ف المشروع بتاعنا

عشان كل تقريبا المعظم كان مشغوول ف الهاكرز داى

المهم تقريباا منمتش غير 3 ساعات بالظبط وصحيت بعديهم اعدت اظبط حبة حاجات ف الشغل بتاعنا

وبعد كده خلصت وكنت مبسووووط جدااا ومزااجى 10/10 ان الواحد عرف ينجز

وبعديها جه موضوع كده بوظ مزاجى ونزلت متعكنن م البيت وخنووق من كل حاجه حواليه كتى الواحد داخ كده

ونفسه اتسدت انه يعمل اى حاجه .. المهم نزلت الكليه عاادى وروحت سكشن البشمهندس وليد متاخر ربع سااعه تقريبا

دخلت قعدت .. شويه والبشمهندس وليد قال الناس الى مجهزة الحاجات الى مطلووبه منها تجهز عشان تقوم تشرح

المهم لقيت محمد السيد بيقولى انت الى هتشرح قلتله اشرح ايه يبنى

قلى انت يبنى الى عاامل معظم الكلاام ده انت الى هتشرح قلتله لااا يااعم اوم انت

المهم رااح متسرع وراح قاايل للبشمهندس وليد هنقسم الشرح على اتنين المهم البشمهندس وليد قاله عادى

محمد بدا بشرح اليوز كيس الاول وبعد مخلص شرح جه الدور علياا انا بقه

محمد السيد : يالا يا عبدالحميد

انا :كمل انت شرح ياعم

محمد السيد : لا انت الى عاامل السيكونس دياجرام يبقى انت الى هتشرحها

انا :قلت ف نفسى طيب

المهم طلعت وانا اصلااا عندى حتة العصبيه ديه ف رجلى يعنى مثلاا ابقى قااعد ف محاضره ولا حاجه ورجلى كده بتتهز مع نفسهاا

اهو انا كنت واااقف بشرح ف حاجه لسه اول مره اعرفها اليوم الى قبليها وكمان مكنتش محضر اساسا انى اشرح

وانا متعود حتى لما بشرح لصحاابى ببقى عاامل ورق لياا انا بشرح منه

المهم اتدبست وطلعت شرحت يعنى انا حااسس ان انا شرحت كويس باستثناء التعديلات الى البشمهندس وليد

قالى اعدلها ف السيكوانس دياجراام .. المهم خرجت م السكشن ومحمد السيد قااعد يقولى كويس كويس لاازم تتعود

المهم انا حسيت اصلاا (بعد ما خرجت) انها حاجه ممتعه

والى بسطنى اكتر انها جت فجاه كده من غير ما اسعى ليها ولا حاجه

والله على رااى السلحفااه الى ف الفيلم بتاع كونجفو باندا

there are no Incidents

المهم خلصت السكشن وطلعت انا ومحمد السيد على رشااد البدرااوى

 

انتهزت الفرصه ورجعت ورا على اساس ان انا انام شويه عباال ما احمد سلطان دوروا ييجى

وما شااء الله الواد كان شرحه جميل جدااا

وخلصنا وطلعت بقى على طلخاا عشان اجيب حاجات من الشقه بتاعتنا هنا

الكارثه الكبيره ف الموضوع ده ان انا لحد دلوقتى لسه منمتش )

المهم اليوم فعلاا كان غريب بدا كويس بعد كده حصلت عكننه بعد كده صدمه بعد كده مرمطه

والخطه القادمه نووم

يالا بقى تصبحوا على خير

اخوك ولا صاحبك

السلام عليكم ورحمة الله وبركاته

بقالى كتير جدااا مكتبتش حاجه على البلووج

لانى فعلاااا مكانش فيه ف دماااغى اى حاجه اكتبهااا

النهااارده بكتب الموضوع ده من خلال موقف حصل معايا

وعايز اعرف رايكم فيه

الموضوع زى ما انتو شايفين

اسمه واضح جدااا ومعبر جداا عن محتوى الموضوع

اخوك ولا صاحبك ؟؟

لو خيروك بين اخوك وصاحبك (بافتراض انك الاخ الاصغر) تختاار مين

اخووك

الى تعتبروا قضيتوا مع بعض عمركم

عيشتو مع بعض لحظات السعاده والحزن والهزار والجد لحظه بلحظه

الى انت لو طلبت عنيه ممكن يديهاالك عن طيب خااطر

الى لو انت كنت ف شده بيقف جمبك بكل حاجه يقدر عليهاا

الى عمره ما بيقلك لا على حاجه

الى بينصحك لما بتعمل اى حاجه غلط

الى لما بتعوز شرح او اى حاجه بتلجاله وهو بيفهمك

الى بيوجهك لطريق الصح دايمااا

الى لما بيلقيك مش بتصلى بيقولك قوم صلى وبيوجهك انك تلتزم بدينك وتبقى قريب من ربنا!

==========

ولا صااحبك

الى بيبقى معاااك ومش معااك

الى انت بتقاابله كام سااعه ف اليوم

الى انت متضمنش هيكون صااحب كويس ولا وحش

الى ممكن لو لقاك وااقف ف طريق فيه مصلحه ليه يدوسك

الى انت احتمال متكونش عااارف هو فى ف نفسه ايه من نحيتك

===============

من خلال الموضوع ده هسال حبه اسئله

اخوك/ى الكبير بتزعل/ى منه امتى؟

هل لما بينصحك بالخير بتزعل؟

هل لما بيقلك ده غلط ده صح بتزعل ؟

هل لما بيعند معاك/ى فى حاجه هو جربها قبل كده وعاارف انها خطر عليك بتزعل؟

امته بتقرب من اخوك؟

لما بيبقى ليك/ى مصلحه عنده؟

لما بتبقى عايزاه/عاوزه يعملك حاجه؟

اخوك لما بينصحك بتستتقل كلامه وبتبقى عاايزه ينجز ؟ ولا بتناقشه وبتحب انه يكلمك وينصحك؟

اخوك لما بيوجهك لطاعة ربناا بتكرهه عشان مخلى باله منك ف كل حاجه ؟ ولا بتقدره عشان بيوجهك للصح؟

م الاخر امتى بيبقى كلام اخوك تقيل على قلبك ؟

علاقتك باخوك علااقة مصلحه ولا حب متبادل؟

لو هى علااقة مصلحه قول ليه؟

ولو حب متبادل قول ليه برده؟

علاقتك بصحابك/بصحباتك اقوى ولا علاقتك باخوك/ى؟

لو علاقتك بصاحبك/بصاحبتك  اقوى قول/ى ليه؟

لو علاقتك باخوك/ى قول/ى ليه؟

ياريت يا جماعه الى يدخل ميكسلش يجااوب ع الاسئله ديه عشان انا ف حيره كبيره

سلام عليكم

يوم الهندسة المصرى .. يوم ملووش حل :D

الزمـــــــــان : الأحد 27/7 الساعه 7:30 صباحــــــــــــــــا
المكـــــــــان : امام نادى جزير الورد
الحــــــــدث: الذهاب الى القاهرة -مدينة نصر-دار الازهر للمؤتمرات لحضور يوم المهندسين المصريين .ومناقشى مشاريع التخرج
الاشخااااااص: انا وضيااء والبشمهندس وليد العدروسى و3 مجموعات من الناس حديثى التخرج رايحين عشان يعرضوا المشاريع بتاعتهم

ضياء عدى عليا الصبح وقعد يرررررررررررررررررن جرس الباب يرررررررررررررررررن جرس الباب وفين وفين عبال ما فتحتله الباب
كانت الساعه 6 الصبح وانا نايم على نفسى خااالص اول ما شوفته … افتكرت ان انا المفرووض اكون لاابس عشان هسااافر القاهره معاه
روحت جرررررررررى ع الحمام غسلت وشى ولبست هدومى ونزلت معاااه روحنا قصاد جزيرة الورد قعدنا نستنه شويه وجه البشمهندس وليد
وشويه وبعض الناس من بتوع رابعه جم وضيااء كل شويه يشااور على اتوبيس يقولى هو دااا اقوله لا يبنى مش ده طبعا يبنى احنا رايحين مؤتمر هيحضروا وزراء
وانا حاطت فى دماغى ان الاتوبيس بقه هيكون مكيف واخر تمام اتفاجئت بالدكتور وليد بيقولنا يالا اركبواااا … اركبوووواااااا؟؟!!!!!!!!!
اركبوااا ايه .. وكان بيشااور على حاجه كده شبه المينى بااس بس صغير .. حالتها ما يعلم بيهااا الا ربنا .. المهم حطيت لساانى فى بقى وقلت يالا مش مهم
وركبت ورحنا المكان المقصوود حضرنا المؤتمر وبعد كده طلعنا نلف على المشااريع المعرووضه بصراااحه حبة مشااريع وهممممممم قمة فى الروعه
من ناااس فعلااا باين عليهم الذكاااء بجد ربنا يوفقهم كلهم طبعا قضينا وقت ممتع جدااا نتفرج على المشاريع الى موجوده ديه وشويه وطلعنا عشان نشوف
الناااس بقه بتوع حاسبات المنصوره ونشوف مشروعاتهم وكده
هما كانوا 3 مشاريع
المشروع الاول اسمه
E COMMERCE BUILDER
صاحب المشروع البشمهندس : احمد الغريب
وبقيت البشمهندسين والله ما فاكر اسمائهم كانوا معايا فى الورقه بس نسيتها يا فى العربيه يا مع ضيااء
المشروع عباره عن ابليكيشن هدفه تصميم مواقع تجارية كاملة
بالديزين بتاعها بالبرمجة بتاعتها بكل حاجه فيهاا بحب خطوات قليله جدااا
نكست نكست نكست فينيش .. بصراحه انا بقيت وااقف قصااد المشرووع كده مبهوور
عمله بالسى شارب والايه اس بى دوت نت

المشروع التانى

SMART ROAD SYSTEM
صاحب المشروع البشمهندسين
هبة السيد
كوثر السيد
محمد محمد فرحات
محمد ابراهيم طنطاوى
محمد صبحى مكاوى
المشرووع تصنيفه  MOBILE APPLICATION
عبااره عن خريطه ارشاديه عن طريق الموبايل
ملخصه ان انت مثلا فى مكان زى كشك حاسبات وراكب عربيه
عايز توصل لمكان زى بوابة تربيه .. عن طريق الخريطه الى موجوده فى الموبايل ديه
بيشووف افضل طريق ممكن تمشى فيه عشان توصل لبوابة تربيه فى اسرع وقت

المشروع التالت

VISUAL CONTROL OF BUSINESS PROCESSES
عبااره عن ويب سايت بيبقى مسؤول عن سيستم معين زى نظام الجامعه مثلا
العمليه التدريسيه والطلاب وخدماتهم الخخخخخخخخخخخخخخخخخ
ومش فاكر اسامى الناس الى عملت الموضوع برضه :S

طبعا المشااريع كلهااا كانت خرااافه
واليوم كان جميل جدااا .. بس انا جيت فى فتره اتخنقت من الجو جوه
وطلعت بره شويه وبعد كده رحت واخد ضياء ورجعنا ع الاتوبيس

وشويه ولقينا بقيت الناس رجعت ومشينا بالتوبيس الجميل الى انا حكتلكم عنه فى الاول
شويه والاتوبيس بدا ينخخخ تك تك تك تك وراح واقف  الراجل فتح الصندوق وقعد يحااول يدور العربيه
والعربيه دارت ومشيت شويه وحصل نفس النظام .. يااااااا مسهل يااارب شكلنا مش هنروح النهارده
والعربيه دااارت ومشيت شويه وراااحت واقفه تانى .. المهم راح الراجل نزل معرفش عمل ايه كده
الحمد لله العربيه دااارت ومشيت وقضيت بقيت الطريق قاااعد اعد من 1 الى 100 واشوف فيهم كام كيلوا
ههههههههههههههه اهو تسليه ههههههههههه المهم الحمد لله وصلنا بالسلااامه واول ما رجعت قعدت ع الجهاز على طول
مع انى كنت نااوى انااااام بس اقول ايه بقه اول ما بشووف الجهاز ادامى بنسى نفسى

هههههههههههههههههه
صدعتكوا صح هههههههههههه معلش اصلى مبسوووط شويه
يالا سلامعزة

لييييه مش عااارف ؟؟!!

السلام عليكم ورحمة الله وبركاته

بقالى كتير مكتبتش ع البلوج

بس النهارده بعد موقف حصلى كعرفش حاسس ان عايز اكتب

على الاقل اريح نفسى شويه

الموضوع

ان انت شخص مسالم جداا مش من النوع الى مش بيشيل لحد فى قلبه حاجه

ممكن تكون قافل مع شخص قفله سوداء ولو جه ضحك فى وشك تنسى الدنيا وما فيها

بس ده كله مش معناه ان انت شخص معندكش شخصيه

بالعكس انت شخص عندك طبيعه الطبيعه ديه محدش يقدر يغيرها فيك لانك شخص اتربيت عليها

اتربيت على عادات وتقاليد مهما حصل محدش يقدر يهزها او حتى يقرب منها

تعتبر خط احمر خط احمر لو اتعداه حد مش هقول اقفل معاه لكن هقول انك مبتمشيش ورا هواه

وبتنتقد حاجه زى كده .. كل الناس الى عرفتك عرفتك بطبيعتك ديه فيه ناس قبلتهااا وحبتك بيها

وفى ناس كانت صعبه عليها من البدايه فا بعدت عنك

تقول ايه بقى فى شخص الشخص ده عرف طبيعتك وافق عليهااا رضى بيهااا

علاقتكم ببعض بقت قوية جدااا .. وبسبب بعض التغيرات الى حصلت بعد كده على تفكير الشخص ده

الشخص ده يطلعك غلطااان ومش غلطاان بس .. لا ده انت راكبك الغلط من ساسك لراسك

كل ده ليه لان انت رفضت تمشى بغير تفكيرك رفضت تفكير غلط بيتقاال قدااامك لانك عاارف ومتاكد انه غلط

وعاارف ومتاكد انه مش هينجح وعااارف ومتاكد انه ملوووش اى لااازمه

بقدرة قااادر يتحول الشخص ده من شخص علاقته قوية بيك لشخص مش قااابل منك اى كلمة

الحكاية ديه لو من شخص عااادى ولا هتفرق معاك لكن المشكله انها مع شخص انت بتقدره وبتحترمه جدااااا

لييييه كل ده مش عااارف

ع العموم حصل خييير

وعايز اعرف ارائكم

ومعلش لو كان الاسلووب مش اد كده لانى بصراحه اصلا بكتب الموضوع وانا مخنوق

سلام عليكم

الى عايز يجمع جهاز ولا حاجه يلحق :D

السلام عليكم ورحمة الله وبركاته

النهارده كان يوم ما يعلم بيه الا ربنا بس مقدرش انكر انه كان يوم جميييل جدااا

بداية اليوم كنت متفق مع اسلام ضيااء امبااارح اننا نتقابل فى الكليه ونروح مع بعض

نجمع جهااز بسعر كويس كده  لناس تبع اسلاام

المهم نزلت انا واخويا الصبح روحنا الكليه وطبعا اخويا كان اول مره ينزل الكليه

ههههههههههه فكرنى باول يوم نزلت فيه الكليه كنت حااسس ان الطريق طوييييل

وماشى فى متااهه الواد اخويا كان معايا مااشى كل شويه ينخ ورا

المهم اتقابلت انا واسلاام والواد ضياء كان معانا برضه ولفينا على شركااات كتييير جدااا

وفى الاخر وصلنا لشركه بصراااحه اسعارها هايله بس منش عندها هاردات 80

بصوا بخصوص الهاردات ال80 خلااص بححح هتلااقوها قليل اوى فى السوق

الى عااد موجود دلوقتى 160 ونفس الكلام بالنسبه للرامات ال256 معدش فى حاجه اسمها رام 256

المهم مواصفات الجهاز كالتالى ومعاها الاسعاار عشان لو حد هيجمع جهاز ولا حاجه ميضحكش عليه

Processor 3/512 + fan ==> 205 LE

Motherboard Gigabyte ==> 300 LE

RAM 512 DDR2 ==> 50 LE

Case Hand Tiger ==> 110 LE

CD ROM ==>55 LE

DVD ==> 160 LE

Keyboard+Mouse+Speakers ==> 60 LE

Monitor ==> 120 LE

طبعا احنا مجبناااش كل الحاجات الى مكتوبه فووق ديه

لان فيه حاجات كانت موجوده عندنا

بس انا كتبت كل الاسعاار

ولاقينا كمان لاب توبات بصراحه مواصفاتها 10/10

بــ 3500 و 3200

انا عايز اجيب لاب توب (

المهم خدنا الجهاز وروحنا عند ميتو ظبطت لميتو الجهاز بتاعه عشان كان فيه مشكله

غريبه كده واسلاام جى بيفتح الكيسه لاقاها مكسوووووره اوبااااااا

المهم ميتو واسلاام راحوا يغيروا الكيسه وجم

وانا نمت شويه قصاد الجهاز بتاع ميتو عشان مكنتش قاادر من الحر

المهم جم وقعدنا نركب فى الجهاز وركبنا الجهاز وكله تمام لكن المروحه كانت بتتركب بطريقه غريبه

وكانت معصلجه المهم ودناها للراجل وركبهاا وطلعنا بقه على المحطه بتاعت القطر

واسلام ركب القطر بتااعه وانا رجعت البيت بعد يووم ما يعلم بيه الا ربنااا

نمت ومصحتش الا بعد العشاااا

ولسه بكره اليووم الكبييير

ربنـــــــــــا يستــــــــــر

يالا سلامعزة